Засцерагчы сябе
Засцерагчы сябе
У Брагінскім раёне пачаўся ацяпляльны сезон, у сувязі з гэтым узмацнілі сваю працу назіральныя камісіі. Прадстаўнікі МНС сумесна з органамі ўнутраных спраў, а таксама работнікамі медыцыны, устаноў адукацыі і іншымі, праводзяць рэйды па домаўладаннях, дзе пражываюць адзінокія людзі, а таксама грамадзяне, якія злоўжываюць спіртнымі напоямі і шматдзетныя сем'і. У ходзе работы назіральнай камісіі, работнікамі розных службаў правяраецца стан месцаў пражывання грамадзян. Прадстаўнікі Міністэрства па надзвычайных сітуацыях, правяраюць наяўнасць і працаздольнасць аўтаномнага пажарнага апавяшчальніка, а так жа правільную эксплуатацыю пячнога ацяплення. Асноўнымі парушэннямі, якія дапускаюць грамадзяне, з'яўляюцца адсутнасць элемента харчавання ў пажарным апавяшчальніку і яго ня правільная ўстаноўка, таксама гаспадары не звяртаюць сваю ўвагу на расколіны ў печы. Па выніках праверкі гаспадарам даюць рэкамендацыі па ліквідацыі парушэнняў, якія былі выяўлены членамі камісіі.
